Жалпы білім беретін жоғары және орта буын оқушылары үшін қазақ әдебиетінде детектив жанрының негізін салушы Кемел Тоқаев шығармашылығын оқыту бойынша ең үздік таңдау курсының жобасы байқауының

ЕРЕЖЕСІ

Байқау ұйымдастыруышысы:

 «Кемел Тоқаев атындағы қайырымдылық қоры» Ж.Қ.

Байқау мақсаты, міндеттері:

1. К.Тоқаевтың көркем әдеби шығармашылығы негізінде өз елінің тарихын оқып білу.
2. Детективті –шытырман жанрындағы әдеби шығармашыларға деген қызығушылықты ояту;
3. Білім беру мекемелерінде оқу – тәрбие жүйесін ғылыми-әдістемелік жұмыс арқылы арттыру.
4. Озық авторлық – педагогикалық тәжірбиені анықтау және тарату.

Байқауды өткізу тәртібі:

1. Байқау 2018 жылдың 10 қаңтарынан 2018 1 мамырына дейін;
2. Байқау қорытындысы 2018 жылдың 2 қазанында жарияланады.
3. Өткізу орны: Үштөбе қаласы, К.Тоқаев атындағы орта мектеп.

Байқауға қатысу тәртібі:

-          Байқауға педагог қызметкерлер қатыса алады

            (еңбек өтілі,білім беру мекемесінің түріне қарамастан)

-          Әр  үміткер байқауға 2 (екі) байқау материалынан артық жоба өткізе алмайды.

-          Байқауға ұжымдасқан авторлар материалдарында ұсынуға болады.

Байқау жұмыстарын ұсыну тәртібі:

-          Үміткер жұмысы 2018 жылдық 1 мамырына дейін, электронды нұсқасын ұсыну міндетті. Электронды нұсқасыз жұмыс қарастырылмайды.

-          Құжаттар бумасы: Өтініш (баспа түрінде), байқау материалы көрсетілген талапқа сай безендірілген және рәсімделген болуы шарт (электронды нұсқасы  - CD дискіде,баспа түрі – формат А4, Word, Times New Roman шәкілі, 14-шрифт, арақаштық 0,1).

Факультатив бағдарламасының жүргізілуіне қойылатын талаптар:

   Оқу бағдарламасы – мақсат – міндеттері көрсетілген нормативті құжат, факультатив курсын игеру нәтижесін бағалау тәсілі.

   Оқу бағдарламасының құрылымына курстың оқу мақсаты мен міндеттері анықталған түсінікхат, білім беру процесін ұйымдастыру бағыты, оқытудың әдіс-тәсілдері, курсаралық және пәнаралық байланыстың іске асуы енген, оқу материалы жүйеленген, белгілі өлшемде, күтілетін нәтижесі айқындалған, пайдаланатын әдебиеттері көрсетілген болуы шарт.

Ұйымдастыру комитеті

Үштөбе қаласы, ом.К.Тоқаев

3 қаңтар 2018 ж